TAIGIVOICE TRANSCRIBER · FOR MAC
本機部署・離線語音辨識
共你講的話，
佇 Mac 內底變做文字。
支援台語、日語、華語、英語等語音轉文字。音檔抑是麥克風的對話攏會使，一面聽、一面改，閣會使儲存佮匯出。
支援 Apple Silicon Mac。App 畫面有日文、繁體中文佮英文。
Windows 版咧準備，請閣等一下。
台語對話、工作的紀錄，攏記落來。
內底有 Taigi AI Labs 開發的台語佮多語言語音辨識。台語訪問、日語會議、英語錄音，攏會使變做看會著、改會得的文字紀錄。
台語
共台語錄音佮麥克風的聲轉做文字，幫贊整理訪問、調查佮上課的紀錄。辨識了後，會使一面聽原本的聲、一面改文字。
華語・日語・英語
開會、訪問、學習的錄音攏用會著。會使匯入音檔，嘛會使一面講、一面串流辨識。
韓語・越南語・印尼語
佇 App 的語言選單內底，照錄音的內容選欲辨識的語言。
辨識佮畫面的語言攏會使選
辨識支援台語、華語、日語、英語、韓語、越南語佮印尼語，嘛會使選「自動」。App 畫面支援日文、繁體中文佮英文。
辨識了後，會使佇仝一个 App 聽對應的錄音、改文字、用字典、規批取代佮標記確認過的段落。
本機處理，嘛會使用阮的 API。
會使選佇 Mac 內底處理，抑是用 Taigi AI Labs API。兩款攏支援音檔匯入佮串流辨識。
本機：佇 Mac 內底做煞
毋免共錄音傳去伺服器，無網路嘛會使辨識。本機語音轉文字包含佇買斷的費用內底。
API：用 Taigi AI Labs 語音辨識
透過網路共錄音傳去阮的 API 辨識。愛另外申請 API 服務佮 API 金鑰。API 的使用費另外算，無包含佇 App 買斷的費用內底。
洽詢 API 服務對音檔開始
匯入音檔抑是影片，文字佮錄音做伙確認。點文字就會使聽彼段錄音。
一面講、一面辨識
佇 Mac 內底共麥克風的聲變做文字。錄音結束了後，會使閣確認佮修改。
整理了後分享
有字典、規批取代佮確認標記。會使匯出 TXT、DOCX、JSON、Markdown、CSV、SRT 佮 VTT。
Mac 官網直購版・買斷
換算的參考價數
本體價數（稅另外算）
3,320 箍
實際付款的幣別佮金額，請看 Stripe 結帳頁面。
一台 Mac 的使用授權。免費試用 7 工，袂自動扣款。
開始賣了後，就會使佇這頁購買。
對購買到開始用
下載安裝程式，閣佇 Mac 安裝 App。
用 7 工免費試用，確認你的 Mac 佮錄音攏會使正常使用。
對 App 開購買頁面，抑是佇這頁輸入 Mac 註冊碼，去 Stripe 付款。
授權檔會寄去你付款時填的電子郵件信箱，予這台 Mac 用。若無收到，請提訂單編號來問客服。
佇 App 匯入授權，就會使繼續用語音轉文字。
欲換 Mac 抑是閣寄一份授權檔，請聯絡客服。
系統需求
Apple Silicon Mac，macOS 14 抑是較新的版本。內底有本機執行環境佮模型，毋免另外安裝 Python。
佇你的 Mac 內底處理
本機辨識袂共錄音傳去阮的伺服器。錄音佮改過的文字會使存做專案，後擺閣繼續做。
客服支援